سیدنا ابوہریرہ رضی اللہ عنہ بیان کرتے ہیں: میرے پاس نبی اکرم صلی اللہ علیہ وسلم کے حوالے سے دو احادیث موجود ہیں، ان میں سے ایک یہ ہے کہ آپ صلی اللہ علیہ وسلم نے ارشاد فرمایا ہے: ”جو شخص انصار سے محبت رکھتا ہے، اللہ تعالیٰ اس سے محبت رکھتا ہے“۔ اور دوسری روایت یہ ہے: ”جو شخص مہر کے عوض میں، عورت کے ساتھ شادی کرتا ہے، اور وہ اس عورت کو اس کی ادائیگی کا ارادہ نہ رکھتا ہو، تو وہ شخص زانی شمار ہو گا“۔
یہ روایت امام بزار نے محمد بن حصین جزری کے حوالے سے نقل کی ہے اور میں اس سے واقف نہیں ہوں، اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كتاب النكاح/حدیث: 7506]