سیدنا علی رضی اللہ عنہ بیان کرتے ہیں: نبی اکرم صلی اللہ علیہ وسلم نے ارشاد فرمایا: ”اے خواتین کے گروہ! تم اللہ سے ڈرتی رہو اور اپنے شوہروں کی رضامندی تلاش کرو کیونکہ عورت کو اگر یہ پتہ چل جائے کہ اس کے شوہر کا حق کیا ہے، تو وہ مسلسل اس وقت تک کھڑی رہے، جب تک اس (شوہر) کا صبح کا کھانا یا رات کا کھانا موجود ہوتا ہے (یعنی اس کے کھانا کھانے کے دوران اس کے پاس کھڑی رہی)“۔
یہ روایت امام بزار نے نقل کی ہے۔ اس کی سند میں ایک راوی حکم بن یعلی بن عطاء محاربی ہے، اور وہ متروک ہے۔ [مجمع الزاوئد ومنبع الفوائد/كتاب النكاح/حدیث: 7646]