حضرت عائشہ رضی اللہ عنہا فرماتی ہیں کہ رسول اللہ صلی اللہ علیہ وآلہ وسلم اگر حالت جنابت میں سونا چاہتے تو نماز والا وضو فرما لیتے تھے۔ [مصنف ابن ابي شيبه/كتاب الطهارة/حدیث: 662]

حضرت عائشہ رضی اللہ عنہا فرماتی ہیں کہ رسول اللہ صلی اللہ علیہ وآلہ وسلم اگر حالت جنابت میں سونا چاہتے تو نماز والا وضو فرما لیتے تھے۔ اور اگر کھانا کھانا چاہتے تو ہاتھ دھو لیتے یعنی جنابت کی حالت میں۔ [مصنف ابن ابي شيبه/كتاب الطهارة/حدیث: 663]

حضرت علی رضی اللہ عنہ فرماتے ہیں کہ جنبی آدمی اگر کھانا کھانا چاہے یا سونا چاہے تو نماز والا وضو کرلے۔ [مصنف ابن ابي شيبه/كتاب الطهارة/حدیث: 664]

حضرت نافع فرماتے ہیں کہ حضرت ابن عمر رضی اللہ عنہما اگر حالت جنابت میں کھانا یا سونا چاہتے تو پہلے چہرہ اور ہاتھ دھوتے اور سر کا مسح کرلیتے۔ [مصنف ابن ابي شيبه/كتاب الطهارة/حدیث: 665]

حضرت عائشہ رضی اللہ عنہا فرماتی ہیں کہ جب تم میں سے کوئی حالت جنابت میں سونا چاہے تو پہلے وضو کرلے کیونکہ ہوسکتا ہے کہ نیند میں اس کا انتقال ہوجائے۔ [مصنف ابن ابي شيبه/كتاب الطهارة/حدیث: 666]

حضرت ابو الضحیٰ سے پوچھا گیا کہ کیا جنبی کھا سکتا ہے؟ فرمایا ہاں، بازار میں چل پھر بھی سکتا ہے۔ [مصنف ابن ابي شيبه/كتاب الطهارة/حدیث: 667]

حضرت شداد بن اوس فرماتے ہیں کہ اگر تم میں سے کوئی شخص رات کو جنبی ہوجائے اور اسی حالت میں سونا چاہے تو پہلے وضو کرلے، اس سے آدھی پاکی حاصل ہوجائے گی۔ [مصنف ابن ابي شيبه/كتاب الطهارة/حدیث: 668]

حضرت ابن سیرین فرماتے ہیں کہ جنبی اگر کھانا یا سونا چاہے تو پہلے نماز والا وضو کرلے۔ [مصنف ابن ابي شيبه/كتاب الطهارة/حدیث: 669]

حضرت سعید بن مسیب فرماتے ہیں کہ اگر جنبی کچھ کھانا چاہے تو ہاتھ دھو لے اور کلی کرلے۔ [مصنف ابن ابي شيبه/كتاب الطهارة/حدیث: 670]

حضرت مجاہد فرماتے ہیں کہ جنبی ہاتھ دھو کر کھا سکتا ہے۔ [مصنف ابن ابي شيبه/كتاب الطهارة/حدیث: 671]