سعید بن مسیب، سیدنا انس بن مالک اور حسن بصری رحمہم اللہ سے روایت ہے، ان سب نے فرمایا: ”جس نے جمعہ کی ایک رکعت پالی تو وہ اس کے ساتھ ایک اور رکعت ملا لے، اور اگر وہ انہیں (امام و مقتدیوں کو تشہد کی حالت میں) بیٹھے ہوئے پائے تو وہ چار رکعات ادا کرے۔“ [مصنف ابن ابي شيبه/كتاب الجمعة/حدیث: 5459]

علقمہ اور اسود رحمہما اللہ سے روایت ہے، ان دونوں نے فرمایا: ”جب وہ (نمازی) انہیں (امام اور مقتدیوں کو تشہد کی حالت میں) بیٹھے ہوئے پائے تو وہ چار (رکعتیں) پڑھے۔“ [مصنف ابن ابي شيبه/كتاب الجمعة/حدیث: 5460]

عامر بن شراحیل شعبی رحمہ اللہ سے روایت ہے، انہوں نے فرمایا: ”جب کوئی شخص جمعہ کے دن (مسجد میں) آئے اور امام (تشہد کی حالت میں) بیٹھا ہو، تو وہ (ظہر کی) چار رکعتیں پڑھے گا۔“ [مصنف ابن ابي شيبه/كتاب الجمعة/حدیث: 5461]

حسن بصری رحمہ اللہ سے روایت ہے، انہوں نے کہا: ”وہ چار رکعات ادا کرے۔“ [مصنف ابن ابي شيبه/كتاب الجمعة/حدیث: 5462]

سیدنا انس بن مالک رضی اللہ عنہ سے روایت ہے، انہوں نے فرمایا: ”جب انہیں جمعہ کا دن اس حال میں پائے کہ وہ (اپنی بستی میں) بیٹھے ہوئے ہوں تو وہ چار (رکعتیں) نماز پڑھیں۔“ [مصنف ابن ابي شيبه/كتاب الجمعة/حدیث: 5463]

ہم سے عبدہ نے سعید سے، انہوں نے قتادہ سے، انہوں نے سعید، خلاس اور حسن سے روایت کی ہے۔ [مصنف ابن ابي شيبه/كتاب الجمعة/حدیث: 5464]

اور ابومعشر سے روایت ہے، وہ ابراہیم (نخعی) سے اسی کے مانند روایت بیان کرتے ہیں۔ [مصنف ابن ابي شيبه/كتاب الجمعة/حدیث: 5465]