حضرت ابی بن کعب فرمایا کرتے تھے کہ شبِ قدر ستائیسویں رات ہے، یہ وہی رات ہے جس کے بارے میں رسول اللہ صلی اللہ علیہ وآلہ وسلم نے فرمایا تھا کہ اس رات سورج سفید اور روشن طلوع ہوتا ہے۔ [مصنف ابن ابي شيبه/كتاب الصيام/حدیث: 9788]

حضرت حسن فرماتے ہیں کہ شبِ قدر ہر رمضان میں ہوتی ہے۔ [مصنف ابن ابي شيبه/كتاب الصيام/حدیث: 9789]

حضرت ابو قلابہ فرماتے ہیں کہ شبِ قدر آخری عشرے کی سب راتوں میں گھومتی ہے۔ [مصنف ابن ابي شيبه/كتاب الصيام/حدیث: 9790]

حضرت زر بن حبیش فرماتے ہیں کہ جب رمضان کی ستائیسویں رات ہو تو غسل کرو۔ اس رات میں اگر تم میں سے کوئی اپنی افطاری کو سحر تک مؤخر کرسکے تو کرلے، نیز اسے چاہئے کہ اس دن لسی سے افطار کرے۔ [مصنف ابن ابي شيبه/كتاب الصيام/حدیث: 9791]

حضرت معاویہ فرماتے ہیں کہ شبِ قدر تیئسویں رات ہے۔ [مصنف ابن ابي شيبه/كتاب الصيام/حدیث: 9792]

حضرت جابر بن سمرہ سے روایت ہے کہ رسول اللہ صلی اللہ علیہ وآلہ وسلم نے ارشاد فرمایا کہ شبِ قدر کو رمضان کے آخری عشرے میں تلاش کرو۔ [مصنف ابن ابي شيبه/كتاب الصيام/حدیث: 9793]

حضرت ابو سعید خدری سے روایت ہے کہ رسول اللہ صلی اللہ علیہ وآلہ وسلم نے ارشاد فرمایا کہ مجھے شبِ قدر دکھائی گئی تھی، پھر بھلا دی گئی۔ تم اسے آخری عشرے کی طاق راتوں میں تلاش کرو۔ [مصنف ابن ابي شيبه/كتاب الصيام/حدیث: 9794]

حضرت عائشہ رضی اللہ عنہا رمضان کی تیئسویں رات کو اپنے گھر والوں کو جگایا کرتی تھیں۔ [مصنف ابن ابي شيبه/كتاب الصيام/حدیث: 9795]

حضرت عبید اللہ بن ابی یزید فرماتے ہیں کہ حضرت ابن عباس رضی اللہ عنہما رمضان کی تیئسویں رات کو اپنے گھر والوں پر پانی چھڑکتے تھے۔ [مصنف ابن ابي شيبه/كتاب الصيام/حدیث: 9796]

حضرت ابن عمر رضی اللہ عنہما سے روایت ہے کہ رسول اللہ صلی اللہ علیہ وآلہ وسلم نے ارشاد فرمایا کہ شبِ قدر کو رمضان کے آخری عشرے میں تلاش کرو۔ [مصنف ابن ابي شيبه/كتاب الصيام/حدیث: 9797]