حضرت عمرو بن شعیب اپنے والد اور دادا سے روایت کرتے ہیں کہ ایک شخص نے نبی کریم صلی اللہ علیہ وآلہ وسلم سے عرض کیا کہ اے اللہ کے رسول! جو چیز ہمیں غیر آباد راستے اور غیر آباد جگہ (گاؤں وغیرہ) سے ملے اس کا کیا حکم ہے؟ آپ صلی اللہ علیہ وآلہ وسلم نے فرمایا: اس میں اور مدفون خزینے میں خمس ہے۔ [مصنف ابن ابي شيبه/كتاب الزكاة/حدیث: 11078]

حضرت ابوہریرہ فرماتے ہیں کہ مدفون خزانے میں خمس ہے۔ [مصنف ابن ابي شيبه/كتاب الزكاة/حدیث: 11079]

حضرت ابوہریرہ سے اسی کے مثل منقول ہے۔ [مصنف ابن ابي شيبه/كتاب الزكاة/حدیث: 11080]

حضرت شعبی سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: مدفون خزینے میں خمس ہے۔ [مصنف ابن ابي شيبه/كتاب الزكاة/حدیث: 11081]

حضرت ابوہریرہ سے اسی کے مثل منقول ہے۔ [مصنف ابن ابي شيبه/كتاب الزكاة/حدیث: 11082]

حضرت امام شعبی سے مروی ہے کہ عرب کے ایک غلام کو کچھ پیسے ملے جن کی مالیت دس ہزار تھی، وہ غلام وہ پیسے لے کر حضرت عمر کی خدمت میں حاضر ہوا تو آپ نے اس میں سے دو ہزار خمس وصول فرما لیا اور باقی آٹھ ہزار اس کو واپس کردیئے۔ [مصنف ابن ابي شيبه/كتاب الزكاة/حدیث: 11083]

حضرت امام شعبی سے مروی ہے کہ ایک شخص کو ویران جگہ سے پندرہ سو (درہم) ملے وہ لے کر حضرت علی رضی اللہ عنہ کی خدمت میں حاضر ہوا آپ نے فرمایا اس کا خمس ادا کرو اور اس کے تین خمس تیرے لئے ہیں۔ اور عنقریب ہم باقی خمس تیرے لئے پاک کردیں گے۔ [مصنف ابن ابي شيبه/كتاب الزكاة/حدیث: 11084]

حضرت عمر الضبی فرماتے ہیں کہ ہمارے مقام سابور میں کسی قوم کے کچھ لوگ زمین کھود رہے تھے، اچانک خزانہ ان کے ہاتھ لگا، ان کے نگران محمد بن جابر الراسبی تھے۔ انہوں نے اس کے بارے میں حضرت عدی کو لکھا، حضرت عدی نے حضرت عمر بن عبد العزیز کو لکھا، حضرت عمر بن عبد العزیز نے لکھا کہ اس میں سے خمس وصول کرلو اور ان کیلئے براءت لکھ دو اور باقی سب ان کا ہے ان کیلئے چھوڑ دو۔ (جب یہ مکتوب موصول ہوا تو) انہوں نے مال واپس کردیا اور اس میں سے خمس وصول کرلیا۔ [مصنف ابن ابي شيبه/كتاب الزكاة/حدیث: 11085]

حضرت حصین روایت کرتے ہیں کہ اس شخص سے جو جنگ قادسیہ میں موجود تھے فرماتے ہیں کہ ہم میں ایک شخص تھا وہ غسل کر رہا تھا جب پانی نے زمین پر گر کر اس میں گڑا کھود دیا تو اس میں سے سونے کی اینٹ نکلی۔ وہ شخص وہ لے کر حضرت سعد بن ابی وقاص کی خدمت میں حاضر ہوا اور آپ کو اس کی خبر دی۔ آپ نے فرمایا اس کو مسلمانوں کی غنیمت میں شامل کرلو۔ [مصنف ابن ابي شيبه/كتاب الزكاة/حدیث: 11086]

حضرت ھزیل سے مروی ہے کہ ایک شخص حضرت عبد اللہ کے پاس آیا اور کہا کہ مجھے دو سو دراھم ملے ہیں، حضرت عبد اللہ نے ان سے فرمایا کہ میرا خیال نہیں ہے مسلمانوں کا مال تجھے ملا ہو بلکہ میرا خیال ہے کہ یہ قدیم مدفون مال ہے تو اس میں سے خمس بیت المال مں ا ادا کر دے اور باقی سارا مال تیرا ہے۔ [مصنف ابن ابي شيبه/كتاب الزكاة/حدیث: 11087]