حضرت ابراہیم رحمہ اللہ فرماتے ہیں کہ کرایہ پر لینے والا، کسی چیز کو عاریۃ دینے والا اور امانت رکھنے والا جب تک (طے شدہ شرائط کی) مخالفت نہ کریں ضامن نہ ہوں گے۔ [مصنف ابن ابي شيبه/كتاب البيوع والأقضية/حدیث: 22789]

حضرت شعبی رحمہ اللہ فرماتے ہیں کہ اگر امانت دار، عاریۃ لینے والا اور مستضع (سامان تجارت بنانے والا) اگر (طے شدہ شرائط کے) خِلاف کریں تو ضامن ہوں گے۔ [مصنف ابن ابي شيبه/كتاب البيوع والأقضية/حدیث: 22790]

حضرت ابراہیم رحمہ اللہ فرماتے ہیں اگر آپ مضارب کو فلاں فلاں چیز کے خریدنے سے منع کرو اور وہ پھر بھی خریدے تو وہ ضامن ہوگا، حضرت حماد رحمہ اللہ فرماتے ہیں کہ جو نفع ہوا ہے اس کو وہ دونوں صدقہ کریں گے۔ [مصنف ابن ابي شيبه/كتاب البيوع والأقضية/حدیث: 22791]

حضرت طاؤس فرماتے ہیں کہ مضارب امانت دار ہے اگرچہ وہ آپ کی مخالفت کرے۔ [مصنف ابن ابي شيبه/كتاب البيوع والأقضية/حدیث: 22793]

حضرت عمر رضی اللہ عنہ کے ساتھ حضرت انس رضی اللہ عنہ نے مضاربت کی تھی، حضرت عمر رضی اللہ عنہ نے حضرت انس رضی اللہ عنہ کو چار ہزار کا ضامن بنایا تھا۔ [مصنف ابن ابي شيبه/كتاب البيوع والأقضية/حدیث: 22794]

حضرت حسن رحمہ اللہ فرماتے ہیں کہ مضارب اگر آپ (سے طے شدہ شرائط کی) مخالفت کرے تو وہ امانت دار ہے۔ [مصنف ابن ابي شيبه/كتاب البيوع والأقضية/حدیث: 22795]

حضرت انس رضی اللہ عنہ فرماتے ہیں کہ میرے پاس چھ ہزار امانت رکھوائی گئی وہ ضائع ہوگئی، حضرت عمر رضی اللہ عنہ نے مجھ سے فرمایا: اس کے ساتھ تیرا کچھ اور نقصان بھی ہوا ہے؟ میں نے عرض کیا نہیں، تو انہوں نے مجھے ضامن بنادیا۔ [مصنف ابن ابي شيبه/كتاب البيوع والأقضية/حدیث: 22796]

حضرت ابوہریرہ رضی اللہ عنہارشاد فرماتے ہیں کہ اگر رب المال مضارب پر یہ شرط لگائے کہ تو بطن وادی میں نہیں اترے گا، پھر اگر وہ اتر جائے (اور اس کا مال ہلاک ہوجائے) تو وہ ضامن ہوگا۔ [مصنف ابن ابي شيبه/كتاب البيوع والأقضية/حدیث: 22797]

حضرت علی رضی اللہ عنہ ارشاد فرماتے ہیں کہ جو منافع تقسیم کر دے اس پر ضمان نہیں ہوتا۔ [مصنف ابن ابي شيبه/كتاب البيوع والأقضية/حدیث: 22798]