حضرت مکحول سے روایت ہے۔ کہتے ہیں کہ نبی کرم (صلی اللہ علیہ وآلہ وسلم) (اپنی) پیشانی کے بالوں کے نچلے حصہ میں پچھنے لگواتے تھے اور اس کو آپ صلی اللہ علیہ وآلہ وسلم منقذ کا نام دیتے تھے۔ [مصنف ابن ابي شيبه/ كتاب الطب/حدیث: 25046]

حضرت انس سے روایت ہے کہتے ہیں کہ نبی کریم صلی اللہ علیہ وآلہ وسلم نے تین جگہ پر پچھنے لگوائے، دو رگیں گردن کے دونوں جانب اور ایک دو کندھوں کے درمیان۔ [مصنف ابن ابي شيبه/ كتاب الطب/حدیث: 25047]

حضرت عبد اللہ بن بحینہ بیان کرتے ہیں کہ رسول اللہ صلی اللہ علیہ وآلہ وسلم نے مقام لَحَیْ جمل میں پچھنے لگوائے اور (اس وقت) آپ صلی اللہ علیہ وآلہ وسلم حالت احرام میں تھے اور سر کے درمیان لگوائے۔ [مصنف ابن ابي شيبه/ كتاب الطب/حدیث: 25048]

حضرت سلیمان بن یسار سے روایت ہے کہ رسول اللہ صلی اللہ علیہ وآلہ وسلم مکہ کے عدن والے راستہ میں ایک مقام پر جس کا نام لحی جمل تھا۔ اس حالت میں اپنے سر مبارک پر پچھنے لگوائے کہ آپ صلی اللہ علیہ وآلہ وسلم حالت احرام میں تھے۔ [مصنف ابن ابي شيبه/ كتاب الطب/حدیث: 25049]

حضرت منصور سے روایت ہے۔ کہتے ہیں کہ میں نے حضرت مجاہد سے پوچھا۔ رسول اللہ صلی اللہ علیہ وآلہ وسلم نے پچھنے لگوائے تھے؟ انہوں نے جواب دیا۔ مگر آپ صلی اللہ علیہ وآلہ وسلم کا پاؤں مبارک کمزور ہوگیا تھا تو آپ صلی اللہ علیہ وآلہ وسلم نے اس کو سینگی لگوائی تھی۔ [مصنف ابن ابي شيبه/ كتاب الطب/حدیث: 25050]

حضرت ابن عباس رضی اللہ عنہما سے روایت ہے کہ رسول اللہ صلی اللہ علیہ وآلہ وسلم نے اپنے سر مبارک پر بوجہ تکلیف کے پچھنے لگوائے تھے جبکہ آپ صلی اللہ علیہ وآلہ وسلم حالت احرام میں تھے۔ [مصنف ابن ابي شيبه/ كتاب الطب/حدیث: 25051]