حضرت علقمہ، حضرت ابن مسعود کے بارے میں روایت کرتے ہیں کہ ان سے عورتوں کے (استعمال کے لئے) سونے اور ریشم کے بارے میں سوال کیا گیا؟ تو انہوں نے جواب میں فرمایا: عورتیں تمہاری کھیل ہیں پس تم جس چیز سے چاہو ان کو مزین کرو۔ [مصنف ابن ابي شيبه/كتاب اللباس/حدیث: 26394]

حضرت مجاہد سے روایت ہے وہ کہتے ہیں کہ عورتوں کو ریشم اور سونے (کے استعمال) میں اجازت دی گئی ہے، پھر آپ نے یہ آیت پڑھی: (أَوَمَنْ یُنَشَّأُ فِی الْحِلْیَۃِ وَہُوَ فِی الْخِصَامِ غَیْرُ مُبِینٍ) [مصنف ابن ابي شيبه/كتاب اللباس/حدیث: 26395]

حضرت علی رضی اللہ عنہ سے روایت ہے کہ اکیدر دومہ نے جناب نبی کریم صلی اللہ علیہ وآلہ وسلم کو ریشم کا کپڑا ہدیہ کیا تو آپ صلی اللہ علیہ وآلہ وسلم نے وہ کپڑا حضرت علی رضی اللہ عنہ کو دے دیا اور فرمایا: ”تم اس کو عورتوں کے درمیان تقسیم کردو۔“ [مصنف ابن ابي شيبه/كتاب اللباس/حدیث: 26396]

حضرت ابو موسیٰ سے روایت ہے۔ وہ کہتے ہیں کہ جناب رسول اللہ صلی اللہ علیہ وآلہ وسلم نے ریشم اور سونے کے بارے میں ارشاد فرمایا: ”میری امت کے مردوں پر حرام ہیں اور ان کی عورتوں کے لئے حلال ہیں۔“ [مصنف ابن ابي شيبه/كتاب اللباس/حدیث: 26397]

حضرت انس سے روایت ہے۔ وہ کہتے ہیں کہ میں نے حضرت زینب بنت رسول اللہ صلی اللہ علیہ وآلہ وسلم پر خالص ریشم کی قمیص دیکھی۔ [مصنف ابن ابي شيبه/كتاب اللباس/حدیث: 26398]

حضرت میمون بن مہران سے روایت ہے۔ وہ کہتے ہیں کہ عورتوں کے لئے دیباج اور ریشم میں کوئی حرج نہیں ہے۔ ان کے لئے صرف وہ کپڑا مکروہ ہے جو (اعضاء کو پاک کرے یا باریک ہو۔ (بہت زیادہ)۔ [مصنف ابن ابي شيبه/كتاب اللباس/حدیث: 26399]

حضرت ابو جعفر سے روایت ہے وہ کہتے ہیں کہ بلاشبہ میں اپنی بیٹیوں کو ریشم پہناتا ہوں اور میں ان کو سونے کا زیور پہناتا ہوں۔ [مصنف ابن ابي شيبه/كتاب اللباس/حدیث: 26400]