حضرت شعبی سے مروی ہے کہ سعید بن عاص نے غلام کی دیت کو جس کو کہ غلطی سے قتل کردیا گیا ہو چار ہزار ”٤٠٠٠“ مقرر کیا ہے حالانکہ اس کی قیمت اس سے زیادہ تھی اور فرمایا کہ مجھے یہ پسند نہیں کہ میں اس کی دیت کو آزاد کی دیت سے بھی زیادہ مقرر کروں۔ [مصنف ابن ابي شيبه/كتاب الديات/حدیث: 28980]

حضرت ابراہیم کا ارشاد ہے کہ اس کی دیت آزاد کی دیت تک نہیں پہنچائی جائے گی۔ [مصنف ابن ابي شيبه/كتاب الديات/حدیث: 28981]

حضرت عطاء سے مروی ہے کہ مالک سے آزاد کی دیت سے زیادہ نہیں لیا جائے گا۔ [مصنف ابن ابي شيبه/كتاب الديات/حدیث: 28982]

حضرت ابراہیم اور شعبی کا ارشاد ہے کہ قتل خطا میں غلام کی دیت کو آزاد کی دیت کے برابر نہیں کا جائے گا۔ [مصنف ابن ابي شيبه/كتاب الديات/حدیث: 28983]

حضرت ابراہیم سے مروی ہے کہ غلام کی دیت آزاد کی دیت سے کم ہے۔ [مصنف ابن ابي شيبه/كتاب الديات/حدیث: 28984]