حضرت زید بن علاقہ کسی آدمی سے نقل کرتے ہیں کہ کسی آدمی نے کسی کو پتھر مارا اور اسے قتل کردیا تو رسول اللہ صلی اللہ علیہ وآلہ وسلم نے اس سے قصاص لیا۔ [مصنف ابن ابي شيبه/كتاب الديات/حدیث: 29496]

حضرت مغیرہ فرماتے ہیں کہ حضرت ابراہیم نے ارشاد فرمایا: پتھر سے مارنے کی صورت میں عمد شمار ہوگا اور اس میں قصاص لازم ہوگا۔ [مصنف ابن ابي شيبه/كتاب الديات/حدیث: 29497]

حضرت ابو الزبیر فرماتے ہیں کہ حضرت عبید بن عمیر نے ارشادفرمایا: طاقتور آدمی نے پتھر یا لکڑی اٹھائی اور اس کے ساتھ آدمی کا سر توڑ دیا، آپ نے فرمایا: کون سا عمد اس سے زیادہ سخت ہوگا؟ [مصنف ابن ابي شيبه/كتاب الديات/حدیث: 29498]

حضرت حمیل فرماتے ہیں کہ حضرت عمر نے ارشاد فرمایا: تم میں کوئی اپنے بھائی کا ارادہ کرتا ہے پس اس کو چھری سے مار دیتا ہے، آپ نے فرمایا: میرے پاس ایسا آدمی لایا جائے جس نے ایسا کام کیا اور قتل کردیا ہو تو میں ضرور اس سے قصاص لوں گا۔ [مصنف ابن ابي شيبه/كتاب الديات/حدیث: 29499]

حضرت معمر فرماتے ہیں کہ حضرت زہری سے پوچھا گیا: کیا عمد شمار ہوگا جب کسی نے لاٹھی سے مارا ہو؟ آپ نے فرمایا: جب تو میں اسے مارنے والے کی طرح قتل کروں گا۔ [مصنف ابن ابي شيبه/كتاب الديات/حدیث: 29500]

حضرت عاصم بن ضمرہ فرماتے ہیں کہ حضرت علی رضی اللہ عنہ نے ارشاد فرمایا: قتل شبہ عمد لاٹھی اور بڑے پتھر سے مارنے کی صورت میں ہوتا ہے۔ [مصنف ابن ابي شيبه/كتاب الديات/حدیث: 29501]

حضرت محمد بن قیس فرماتے ہیں کہ حضرت شعبی نے ارشاد فرمایا: جب لاٹھی سے مارا پس چھوڑ دیا اور پھر مارنا شروع کردیا تو اس شخص کو قتل کیا جائے گا۔ [مصنف ابن ابي شيبه/كتاب الديات/حدیث: 29502]

حضرت شعبہ فرماتے ہیں کہ میں نے حضرت حکم اور حضرت حماد سے ایسے آدمی کے بارے میں دریافت کیا جس نے لاٹھی سے کسی کو مار کر قتل کردیا ہو؟ حضرت حکم نے فرمایا: اس پر قصاص نہیں ہوگا اور حضرت حماد نے فرمایا: اسے قتل کیا جائے گا۔ [مصنف ابن ابي شيبه/كتاب الديات/حدیث: 29503]

حضرت جابر فرماتے ہیں کہ حضرت عامر نے ارشادفرمایا، جب قاتل نے لاٹھی ماردی تو قصاص ہوگا۔ [مصنف ابن ابي شيبه/كتاب الديات/حدیث: 29505]