حضرت حرقوس فرماتے ہیں کہ ایک آدمی نے اپنی بیوی کی باندی سے وطی کرلی تو حضرت علی رضی اللہ عنہ سے اس سے حد کو ختم کردیا۔ [مصنف ابن ابي شيبه/كتاب الحدود/حدیث: 30449]

حضرت شعبی فرماتے ہیں کہ حضرت عبداللہ بن مسعود نے ارشاد فرمایا: اس پر حد جاری نہیں ہوگی۔ [مصنف ابن ابي شيبه/كتاب الحدود/حدیث: 30450]

حضرت شعبی فرماتے ہیں کہ ایک آدمی حضرت عبداللہ بن مسعود کے پاس آیا اور کہنے لگا: بیشک میں نے اپنی بیوی کی باندی سے وطی کرلی ہے۔ اس پر آپ نے فرمایا: اللہ سے ڈر اور دوبارہ ایسی حرکت نہ کرنا۔ [مصنف ابن ابي شيبه/كتاب الحدود/حدیث: 30451]

حضرت عقبہ بن جبار فرماتے ہیں کہ حضرت عبداللہ بن مسعود نے ارشاد فرمایا: اس پر حد جاری نہیں ہوگی۔ [مصنف ابن ابي شيبه/كتاب الحدود/حدیث: 30452]

حضرت عامر بن مطر فرماتے ہیں کہ حضرت عبدا للہ بن مسعود سے اس شخص کے بارے میں مروی ہے جس نے اپنی بیو ی کی باندی سے جماع کرلیا تھا۔ آپ نے فرمایا: اگر اس نے اسے بدکاری پر مجبور کیا تھا تو وہ باندی آزاد ہوگی اور اس شخص جیسی باندی اس مالکہ کے لیے لازم ہوگی اور اگر وہ باندی اس کے ہم نوا تھی تو یہ باندی اس شخص کی ہوجائے گی اور اس شخص پر اس جیسی باندی اس کی مالکہ کے لےْ لازم ہوگی۔ [مصنف ابن ابي شيبه/كتاب الحدود/حدیث: 30453]

حضرت قیس فرماتے ہیں کہ حضرت عطاء نے ارشاد فرمایا: اس شخص پر حد جاری نہیں ہوگی۔ [مصنف ابن ابي شيبه/كتاب الحدود/حدیث: 30454]

حضرت سلمہ بن محبّق فرماتے ہیں کہ ایک آدمی نے اپنی بیوی کی باندی سے وطی کرلی تھی تو نبی کریم صلی اللہ علیہ وآلہ وسلم نے اس سے حد کو زائل کردیا۔ [مصنف ابن ابي شيبه/كتاب الحدود/حدیث: 30455]