حضرت ابن ثوبان فرماتے ہیں کہ نبی کریم صلی اللہ علیہ وآلہ وسلم نے ایک آدمی کا ہاتھ کاٹا پھر خون روکنے کے لیے اسے داغ دیا۔ [مصنف ابن ابي شيبه/كتاب الحدود/حدیث: 30508]

حضرت محمد بن عبدالرحمن سے بھی نبی کریم صلی اللہ علیہ وآلہ وسلم کا مذکورہ فعل اس سند سے منقول ہے۔ [مصنف ابن ابي شيبه/كتاب الحدود/حدیث: 30509]

حضرت عمرو بن ابو سفیان فرماتے ہیں کہ حضرت ابن زبیر کے پاس ایک چور لایا گیا پس آپ نے اس کا ہاتھ کاٹ دیا اس پر حضرت ابان بن عثمان نے ان سے فرمایا: اس کو داغ دو۔ آپ نے فرمایا: تم تو اس پر بہت رحم کرنے والے ہو۔ آپ نے فرمایا: نہیں لیکن یہ عمل سنت ہے۔ [مصنف ابن ابي شيبه/كتاب الحدود/حدیث: 30510]

حضرت عمرو فرماتے ہیں کہ حضرت حسن بصری نے ارشاد فرمایا: چور کو داغ دینا سنت طریقہ ہے۔ [مصنف ابن ابي شيبه/كتاب الحدود/حدیث: 30511]

حضرت حجیہ فرماتے ہیں کہ حضرت علی رضی اللہ عنہ چوروں کے ہاتھ کاٹتے اور ان کو داغ دیتے پھر ان کو قید کردیتے اور ان کا دو ادوار کرتے۔ پس جب زخم تندرست ہوجاتا فرماتے، اپنے ہاتھوں کو اٹھاؤ سو وہ ان کو اٹھاتے گویا کہ وہ سرخ عضو تناسل ہوں پھر آپ فرماتے: تمہارے ہاتھ کس نے کاٹے؟ وہ جواب دیتے: علی رضی اللہ عنہ نے۔ آپ فرماتے: کیوں کاٹے؟ وہ جواب دیتے۔ ہم نے چوری کی تھی۔ پس آپ فرماتے اے اللہ: تو گواہ رہ اے اللہ! تو گواہ رہ، تم چلے جاؤ۔ [مصنف ابن ابي شيبه/كتاب الحدود/حدیث: 30512]