حضرت خالد فرماتے ہیں کہ حضرت جابر بن زید نے اس شخص کے بارے میں فرمایا: جو اپنی محرم سے وطی کرلے آپ نے فرمایا: گردن ماری جائے گی۔ [مصنف ابن ابي شيبه/كتاب الحدود/حدیث: 30794]

حضرت عکرمہ فرماتے ہیں کہ حضرت ابن عباس رضی اللہ عنہما نے ارشاد فرمایا: ہر اس شخص کو قتل کردو جو اپنی محرم سے وطی کرلے۔ [مصنف ابن ابي شيبه/كتاب الحدود/حدیث: 30795]

حضرت براء بن عازب فرماتے ہیں کہ نبی کریم صلی اللہ علیہ وآلہ وسلم نے ایک آدمی کی طرف قاصد بھیجا جس نے اپنے باپ کی بیوی سے شادی کرلی تھی آپ نے اس کو حکم دیا کہ وہ اس کا سر لے کرآئے۔ [مصنف ابن ابي شيبه/كتاب الحدود/حدیث: 30796]

حضرت عدی بن ثابت فرماتے ہیں کہ حضرت براء نے ارشاد فرمایا: کہ میں اپنے ماموں سے ملا اس حال میں کہ ان کے پاس جھنڈا تھا میں نے ان سے اس بارے میں پوچھا؟ تو آپ نے فرمایا: نبی کریم صلی اللہ علیہ وآلہ وسلم نے مجھے ایک آدمی کی طرف بھیجا ہے جس نے اپنے باپ کی بیوی سے شادی کرلی ہے کہ میں اسے قتل کردوں یا اس کی گردن اڑادوں۔ [مصنف ابن ابي شيبه/كتاب الحدود/حدیث: 30797]

حضرت بکر فرماتے ہیں کہ ایک آدمی کو حجاج کے سامنے پیش کیا گیا جس نے اپنی بیٹی سے زنا کیا تھا تو حجاج کہنے لگا: مجھے سمجھ نہیں آرہی کہ میں اس کو کس طریقہ سے قتل کروں؟ اور اس نے اس کو سولی پر چڑھانے کا ارادہ کیا۔ تو حضرت عبداللہ بن مطرف اور حضرت ابو بردہ نے اس سے فرمایا: اللہ نے اس امت کی ستر پوشی کی ہے۔ پسندیدہ بلاء وہ ہے جس کی اسلام نے ستر پوشی کی تم اسے قتل کردو اس نے کہا: تم دونوں نے سچ کہا تو اس کے حکم سے اس کو قتل کردیا گیا۔ [مصنف ابن ابي شيبه/كتاب الحدود/حدیث: 30798]

حضرت حفص فرماتے ہیں کہ میں نے حضرت عمرو سے دریافت کیا حضرت حسن بصری اس شخص کے بارے میں کیا فرمایا کرتے تھے جو جانتے ہوئے بھی اپنی محرم سے شادی کرلے؟ آپ نے فرمایا: اس پر حد جاری ہوگی۔ [مصنف ابن ابي شيبه/كتاب الحدود/حدیث: 30799]