جابر انصار کے ایک آدمی سے روایت کرتے ہیں جس کو ابراہیم کہا جاتا تھا کہ وہ حضرت علی رضی اللہ عنہ سے روایت کرتے ہیں فرمایا کہ جب باپ آزاد ہوگا ولاء کو کھینچ لے گا۔ [مصنف ابن ابي شيبه/كتاب الفرائض/حدیث: 33694]

عامر شریح سے روایت کرتے ہیں کہ وہ ولاء کے کھینچنے کے بارے میں فیصلہ نہیں فرماتے تھے یہاں تک کہ اسود نے ان سے بیان فرمایا کہ عبد اللہ رضی اللہ عنہ نے اس کا فیصلہ فرمایا ہے، تو وہ بھی اس پر فیصلہ فرمانے لگے۔ [مصنف ابن ابي شيبه/كتاب الفرائض/حدیث: 33695]

عکرمہ بن خالد حضرت عمر بن عبد العزیز سے روایت کرتے ہیں فرمایا کہ باپ اپنے بیٹے کی ولاء کو کھینچ لیتا ہے۔ [مصنف ابن ابي شيبه/كتاب الفرائض/حدیث: 33696]

ہشام حضرت محمد سے روایت کرتے ہیں فرمایا کہ باپ اپنے بیٹے کی ولاء کو کھینچ لیتا ہے۔ [مصنف ابن ابي شيبه/كتاب الفرائض/حدیث: 33697]

یونس روایت کرتے ہیں کہ حضرت حسن نے فرمایا کہ ولاء باپ کے موالی کی طرف لوٹتی ہے جب وہ آزاد ہوجاتا ہے۔ [مصنف ابن ابي شيبه/كتاب الفرائض/حدیث: 33698]

قتادہ حضرت سعید اور خلاس سے روایت کرتے ہیں فرمایا کہ جب غلام آزاد عورت سے نکاح کرے اور وہ بہت سے بچے جنے پھر اس کو آزاد کردیا جائے تو وہ ولاء کو کھینچ لیتا ہے۔ [مصنف ابن ابي شيبه/كتاب الفرائض/حدیث: 33699]

عبد اللہ بن ابی السَّفر حضرت شعبی سے روایت کرتے ہیں فرمایا کہ دادا ولاء کو کھینچ لیتا ہے۔ [مصنف ابن ابي شيبه/كتاب الفرائض/حدیث: 33700]