حضرت عبد الرحمن بن عبد اللہ فرماتے ہیں کہ اس امت میں سب سے پہلے قریش کے دو آدمیوں نے ہجرت کی۔ [مصنف ابن ابي شيبه/كتاب الأوائل/حدیث: 38557]

حضرت یعقوب بن مجمع کے والد روایت کرتے ہیں کہ میں نے جوتیوں پر سب سے پہلے عتبہ بن عویم بن ساعدہ کو نماز پڑھتے دیکھا ہے۔ [مصنف ابن ابي شيبه/كتاب الأوائل/حدیث: 38558]

حضرت عبید بن عمیر فرماتے ہیں کہ رسول اللہ صلی اللہ علیہ وآلہ وسلم پر سب سے پہلے { اقْرَأْ بِاسْمِ رَبِّکَ الَّذِی خَلَقَ } نازل ہوئی۔ [مصنف ابن ابي شيبه/كتاب الأوائل/حدیث: 38559]

حضرت عبید بن عمیر فرماتے ہیں کہ رسول اللہ صلی اللہ علیہ وآلہ وسلم پر سب سے پہلے { اقْرَأْ بِاسْمِ رَبِّکَ الَّذِی خَلَقَ } نازل ہوئی۔ اور پھر سورة نون نازل ہوئی۔ [مصنف ابن ابي شيبه/كتاب الأوائل/حدیث: 38560]

حضرت ابو رجاء فرماتے ہیں کہ میں نے اپنے والد حضرت ابو موسیٰ سے سب سے پہلے { اقْرَأْ بِاسْمِ رَبِّکَ الَّذِی خَلَقَ } سیکھی، یہی پہلی آیت تھی جو رسول اللہ صلی اللہ علیہ وآلہ وسلم پر نازل ہوئی۔ [مصنف ابن ابي شيبه/كتاب الأوائل/حدیث: 38561]

حضرت مجاہد فرماتے ہیں کہ رسول اللہ صلی اللہ علیہ وآلہ وسلم پر سب سے پہلے (اقْرَأْ بِاسْمِ رَبِّکَ الَّذِی خَلَقَ) نازل ہوئی۔ اور پھر سورة نون نازل ہوئی۔ [مصنف ابن ابي شيبه/كتاب الأوائل/حدیث: 38562]

حضرت سدی فرماتے ہیں کہ سب سے پہلے ثرید حضرت ابراہیم نے بنائی۔ [مصنف ابن ابي شيبه/كتاب الأوائل/حدیث: 38563]

حضرت مجاہد فرماتے ہیں کہ سب سے پہلے کالا خضاب فرعون نے لگایا۔ [مصنف ابن ابي شيبه/كتاب الأوائل/حدیث: 38564]

حضرت قتادہ فرماتے ہیں کہ اسلام مں ں سب سے پہلے خضاب حضرت ابو قحافہ نے لگایا جب رسول اللہ صلی اللہ علیہ وآلہ وسلم نے ان کے سر کو ثغامہ کی طرح دیکھا تو فرمایا کہ اس کو کسی چیز سے بدل لو اور کالے رنگ سے بچو۔ [مصنف ابن ابي شيبه/كتاب الأوائل/حدیث: 38565]

حضرت فطر کہتے ہیں کہ میں نے حضرت مجاہد سے سوال کیا کہ موذنین کا ایک ایک کرکے اقامت کہنا کیسا ہے؟ انہوں نے فرمایا کہ اس چیز کو امراء نے شروع کرایا ہے۔ [مصنف ابن ابي شيبه/كتاب الأوائل/حدیث: 38566]