شعبی رحمہ اللہ نے کہا کہ صفا پہاڑی پر ایک بت تھا جسے اساف کہا جاتا تھا اور مروہ پہاڑی پر ایک بت تھا جسے نائلہ کہا جاتا تھا، پس جب رسول اللہ صلی اللہ علیہ وسلم تشریف لائے تو لوگوں نے کہا: یا رسول اللہ! اہل جاہلیت ان دونوں بتوں کے لیے صفا اور مروہ کے درمیان طواف کیا کرتے تھے اور یہ دونوں اللہ کی نشانیوں میں سے نہیں ہیں، تب یہ آیت نازل ہوئی: ﴿إِنَّ الصَّفَا وَالْمَرْوَةَ مِنْ شَعَائِرِ اللَّهِ فَمَنْ حَجَّ الْبَيْتَ أَوِ اعْتَمَرَ فَلَا جُنَاحَ عَلَيْهِ أَنْ يَطَّوَّفَ بِهِمَا﴾ ”بے شک صفا اور مروہ اللہ کی نشانیوں میں سے ہیں، پس جو بیت اللہ کا حج یا عمرہ کرے تو اس پر کوئی گناہ نہیں کہ وہ ان کے درمیان سعی کرے۔“ [سنن سعید بن منصور/كِتَابُ التَّفْسِيرِ/حدیث: 234]

مجاہد رحمہ اللہ نے اللہ عزوجل کے اس قول ﴿إِنَّ الصَّفَا وَالْمَرْوَةَ مِنْ شَعَائِرِ اللَّهِ﴾ کے بارے میں کہا کہ انصار نے کہا کہ ان دو پتھروں کے درمیان سعی کرنا جاہلیت کے امور میں سے ہے، تب یہ آیت نازل ہوئی: ﴿إِنَّ الصَّفَا وَالْمَرْوَةَ مِنْ شَعَائِرِ اللَّهِ﴾ ۔ [سنن سعید بن منصور/كِتَابُ التَّفْسِيرِ/حدیث: 235]