سیدنا عمر رضی اللہ عنہ نے ہمیں لکھا: ”جو غلام اپنے آقا کے بغیر قتال کرے، اس کے لیے آزاد آدمی کے برابر حصہ مقرر کرو، چنانچہ ہمارے ایک غلام کے لیے بھی آزاد کے برابر حصہ مقرر کیا گیا۔“ [سنن سعید بن منصور/كِتَابُ الْجِهَادِ/حدیث: 3956]

مخلد غفاری رضی اللہ عنہ سے روایت ہے: بنو غفار کے تین غلام بدر میں شریک ہوئے، تو سیدنا عمر رضی اللہ عنہ ہر سال ہر ایک کو تین ہزار درہم دیتے تھے۔ [سنن سعید بن منصور/كِتَابُ الْجِهَادِ/حدیث: 3957]

ابراہیم رحمہ اللہ نے فرمایا: ”غلام، مزدور اور تاجر جب مالِ غنیمت میں شریک ہوں، تو ان کا حصہ مقرر ہوگا، اور غلام کا حصہ اس کے مالک کا ہوگا۔“ [سنن سعید بن منصور/كِتَابُ الْجِهَادِ/حدیث: 3958]