عون بن عبداللہ اور سعید بن ابوبردہ بیان کرتے ہیں کہ ان دونوں حضرات نے ابوبردہ رحمہ اللہ کو عمر بن عبدالعزیز رحمہ اللہ کے سامنے اپنے والد رضی اللہ عنہ کے حوالے سے نبی اکرم صلی اللہ علیہ وسلم کا یہ فرمان بیان کرتے ہوئے سنا کہ نبی اکرم صلی اللہ علیہ وسلم نے ارشاد فرمایا ہے: ”جو بھی مسلمان فوت ہوتا ہے، تو اللہ تعالیٰ اس کی جگہ کسی یہودی یا عیسائی کو جہنم میں داخل کر دیتا ہے۔“ راوی بیان کرتے ہیں کہ عمر بن عبدالعزیز رحمہ اللہ نے ان سے اس اللہ کے نام کی قسم لی جس کے علاوہ اور کوئی معبود نہیں ہے؛ انہوں نے تین مرتبہ ان سے یہ قسم لی کہ ان کے والد رضی اللہ عنہ نے نبی اکرم صلی اللہ علیہ وسلم کے حوالے سے یہ حدیث بیان کی تھی، تو انہوں نے یہ قسم اٹھا لی۔ سعید نامی راوی نے مجھے یہ حدیث بیان نہیں کی ہے کہ انہوں نے ان سے قسم لی تھی، تاہم انہوں نے عون کے بیان کا انکار بھی نہیں کیا۔ [صحیح ابن حبان/كِتَابُ الرَّقَائِقِ/حدیث: 630]