سیدنا ابوہریرہ رضی اللہ عنہ فرماتے ہیں: رسول اللہ صلی اللہ علیہ وسلم نے ارشاد فرمایا: مومن اپنے جان، مال اور اولاد کے حوالے سے مسلسل آزمائش میں رہتا ہے، حتی کہ جب وہ اللہ تعالیٰ سے ملتا ہے تو اس کے ذمہ کوئی گناہ نہیں ہوتا۔ ٭٭ یہ حدیث امام مسلم کے معیار کے مطابق صحیح ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا مذکورہ حدیث کی ایک صحیح شاہد حدیث بھی موجود ہے۔ (جو کہ درج ذیل ہے) [المستدرك على الصحيحين/كِتَابُ الْجَنَائِزِ/حدیث: 1297]

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: مومن کی بیماری اس کے لیے گناہوں کا کفارہ ہے۔ [المستدرك على الصحيحين/كِتَابُ الْجَنَائِزِ/حدیث: 1298]