سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”ایک درہم ایک لاکھ درہم سے آگے بڑھ گیا۔“ صحابہ نے عرض کیا: ”اے اللہ کے رسول! ایک درہم ایک لاکھ درہم سے کیسے آگے بڑھ سکتا ہے؟“ آپ صلی اللہ علیہ وسلم نے فرمایا: ”ایک شخص کے پاس صرف دو درہم تھے، اس نے ان میں سے ایک لے کر صدقہ کر دیا، جبکہ دوسرا شخص بہت زیادہ مال و دولت والا تھا، اس نے اپنے ڈھیروں مال میں سے ایک لاکھ درہم نکال کر صدقہ کیے۔“
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ الزَّكَاةِ/حدیث: 1533]