سیدنا ابن عباس رضی اللہ عنہما سے روایت ہے کہ سیدنا اقرع بن حابس رضی اللہ عنہ نے نبی کریم صلی اللہ علیہ وسلم سے عرض کیا: ”اے اللہ کے رسول! کیا حج ہر سال (فرض) ہے یا زندگی میں صرف ایک مرتبہ؟“ آپ صلی اللہ علیہ وسلم نے فرمایا: ”صرف ایک مرتبہ، اور جو اس سے زیادہ کرے تو وہ نفلی عمل (تطوع) ہے۔“
اس حدیث کی اسناد صحیح ہیں اور ابو سنان سے مراد دؤلی ہیں، شیخین نے اسے روایت نہیں کیا کیونکہ انہوں نے سفیان بن حسین کی احادیث نقل نہیں کیں حالانکہ وہ ان ثقہ راویوں میں سے ہیں جن کی حدیث کو معتبر سمجھا جاتا ہے۔ [المستدرك على الصحيحين/أَوَّلُ كِتَابِ الْمَنَاسِكِ/حدیث: 1626]