سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”مجھے جب بھی کوئی معاملہ پریشان کرتا تو جبریل علیہ السلام میرے سامنے نمودار ہوتے اور فرماتے: اے محمد! کہیے: «تَوَكَّلْتُ عَلَى الْحَيِّ الَّذِي لَا يَمُوتُ، وَالْحَمْدُ للهِ الَّذِي لَمْ يَتَّخِذْ وَلَدًا، وَلَمْ يَكُنْ لَهُ شَرِيكٌ فِي الْمُلْكِ، وَلَمْ يَكُنْ لَهُ وَلِيٌّ مِنَ الذُّلِّ، وَكَبِّرْهُ تَكْبِيرًا» ”میں نے اس زندہ (ہستی) پر توکل کیا جسے کبھی موت نہیں آئے گی، اور تمام تعریفیں اس اللہ کے لیے ہیں ﴿الَّذِي لَمْ يَتَّخِذْ وَلَدًا وَلَمْ يَكُنْ لَهُ شَرِيكٌ فِي الْمُلْكِ وَلَمْ يَكُنْ لَهُ وَلِيٌّ مِنَ الذُّلِّ ۖ وَكَبِّرْهُ تَكْبِيرًا﴾ ”جس نے نہ تو کسی کو بیٹا بنایا ہے، اور نہ ہی بادشاہی میں اس کا کوئی شریک ہے، اور نہ ہی کمزوری کی وجہ سے اس کا کوئی مددگار ہے، اور آپ اس کی خوب بڑائی بیان کریں۔““ [سورة الإسراء: 111]
اس حدیث کی سند صحیح ہے لیکن شیخین نے اسے روایت نہیں کیا۔ [المستدرك على الصحيحين/كتاب الدعاء والتكبير والتهليل والتسبيح والذكر/حدیث: 1897]