سیدنا جابر بن عبداللہ رضی اللہ عنہما فرماتے ہیں: ایک شخص رسول اکرم صلی اللہ علیہ وسلم کی بارگاہ میں اپنے گناہوں پر اظہار افسوس کرتے ہوئے یوں پکارنے لگا:” واذنوباہ واذنوباہ “ اس نے یہ لفظ دو یا تین مرتبہ دہرائے تو رسول اللہ صلی اللہ علیہ وسلم نے اسے کہا: یہ دعا پڑھو: اللّٰھمّ مغفرتک اوسع من ذنوبی ورحمتک ارجی عندی من عملی ” اے اللہ! تیری مغفرت میرے گناہوں سے زیادہ وسیع ہے اور مجھے اپنے اعمال کی بجائے تیری رحمت کی زیادہ امید ہے “ اس نے یہ دعا پڑھی، آپ صلی اللہ علیہ وسلم نے فرمایا: اس کو دہراؤ، اس نے دہرایا، آپ نے فرمایا: پھر دہراؤ اس نے پھر دہرایا۔ پھر رسول اللہ صلی اللہ علیہ وسلم نے فرمایا: جا، اٹھ جا، اللہ تعالیٰ نے تیری بخشش کر دی ہے۔ ٭٭ اس حدیث کے تمام راوی مدنی ہیں اور ان میں سے کسی ایک کے متعلق بھی کسی قسم کی کوئی جرح ثابت نہیں۔ [المستدرك على الصحيحين/كتاب الدعاء والتكبير والتهليل والتسبيح والذكر/حدیث: 2017]