سیدنا عبداللہ بن عباس رضی اللہ عنہما، اللہ تعالیٰ کے ارشاد: کَمَآ اَنْزَلْنَا عَلَی الْمُقْتَسِمِیْنَ (الحجر: 90) ” جیسا ہم نے بانٹنے والوں پر اتارا “۔ الَّذِیْنَ جَعَلُوا الْقُرْاٰنَ عِضِیْنَ (الحجر: 91) ” جنہوں نے کلامِ الٰہی کو تکے بوٹی کر لیا “۔ کے متعلق فرماتے ہیں: بانٹنے والے ” یہودی اور نصرانی “ تھے اور قرآن کو تکے بوٹی کرنے والے وہ لوگ تھے جو کچھ آیتوں پر ایمان رکھتے اور کچھ کا انکار کرتے تھے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3394]