سیدنا عبداللہ بن عباس رضی اللہ عنہما سے روایت ہے، انہوں نے فرمایا: جب اللہ تعالیٰ نے مخلوق کو پیدا کرنے کا ارادہ فرمایا تو ایک ہوا بھیجی جس نے پانی کو ہٹا دیا یہاں تک کہ زمین کا ایک خشک ٹکڑا نمودار ہوا اور یہ وہی جگہ ہے جو خانہ کعبہ کے نیچے ہے، پھر اللہ نے زمین کو وہاں سے پھیلایا یہاں تک کہ جتنا اس نے چاہا اسے لمبائی اور چوڑائی عطا فرمائی، انہوں نے فرمایا: زمین اس طرح پھیل رہی تھی، اور ابن عباس رضی اللہ عنہما نے اپنے ہاتھ کے اشارے سے اسے ادھر ادھر پھیلا کر دکھایا، پھر فرمایا: اللہ تعالیٰ نے پہاڑوں کو زمین کے لیے میخیں بنایا، اور جبلِ ابو قیس زمین پر رکھا جانے والا پہلا پہاڑ تھا۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3933]