سیدنا شیبہ بن عثمان رضی اللہ عنہ بیان کرتے ہیں کہ سیدنا عمر بن خطاب رضی اللہ عنہ اسی جگہ بیٹھے ہوئے تھے جہاں تم بیٹھے ہو تو انہوں نے کہا: ”میں یہاں سے نہیں نکلوں گا حتیٰ کہ کعبہ کا مال تقسیم کر دوں۔“ شیبہ کہتے ہیں کہ میں نے کہا: ”آپ یہ نہیں کر سکتے۔“ انہوں نے کہا: ”کیوں نہیں، میں ضرور کروں گا۔“ میں نے کہا: ”آپ نہیں کر سکتے۔“ کہنے لگے: ”کیوں؟“ میں نے کہا: ”بلاشبہ رسول اللہ صلی اللہ علیہ وسلم کو اس مال کی خبر تھی اور ابوبکر رضی اللہ عنہ کو بھی علم تھا اور وہ اس مال کے آپ سے زیادہ ضرورت مند تھے مگر انہوں نے اسے نہیں نکالا۔“ چنانچہ وہ اٹھے اور چلے گئے۔ [سنن ابي داود/كِتَاب الْمَنَاسِكِ/حدیث: 2031]