سیدنا ابوبکرہ رضی اللہ عنہ سے روایت ہے کہ نبی کریم صلی اللہ علیہ وسلم نے دریافت فرمایا: ”تم میں سے کسی نے کوئی خواب دیکھا ہے؟“ ایک شخص نے عرض کیا: میں نے دیکھا ہے کہ گویا آسمان سے ایک ترازو اترا، پھر آپ کا اور ابوبکر کا وزن کیا گیا تو آپ کا پلڑا ابوبکر سے بھاری رہا، پھر ابوبکر اور عمر کا وزن کیا گیا تو ابوبکر کا پلڑا بھاری رہا، پھر عمر اور عثمان کا وزن کیا گیا تو عمر کا پلڑا بھاری رہا، پھر وہ ترازو اٹھا لیا گیا۔ (یہ سن کر) ہم نے رسول اللہ صلی اللہ علیہ وسلم کے چہرہ مبارک پر ناگواری کے آثار دیکھے۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا، اور اس کی شاہد حدیث سعید بن جمہان کی روایت ہے جو انہوں نے سفینہ رضی اللہ عنہ سے نقل کی ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4486]