سیدنا انس بن مالک رضی اللہ عنہ سے روایت ہے کہ میں نے اپنی والدہ سے رسول اللہ صلی اللہ علیہ وسلم کی صاحبزادی سیدہ فاطمہ رضی اللہ عنہا کے حلیہ مبارک کے بارے میں پوچھا تو انہوں نے کہا: وہ چودہویں رات کے چاند کی مانند تھیں، یا جیسے وہ سورج ہو جس سے بادل چھٹ گئے ہوں، وہ گوری رنگت والی تھیں جس میں سرخی کی جھلک تھی، ان کے بال سیاہ تھے، اور اللہ کی قسم وہ رسول اللہ صلی اللہ علیہ وسلم کے سب سے زیادہ مشابہ تھیں، جیسا کہ شاعر نے کہا ہے: ”وہ سفید رنگت والی ہیں، جب وہ کھڑی ہوتی ہیں تو ان کے بال (زمین پر) دراز ہوتے ہیں۔ وہ ان بالوں میں (اپنی طوالت اور گنجانی کی وجہ سے) چھپ جاتی ہیں کیونکہ وہ بال بہت گھنے اور گہرے سیاہ ہیں۔ پس وہ ان بالوں کے درمیان (اپنے چہرے کی تابانی کی وجہ سے) چمکتا ہوا دن معلوم ہوتی ہیں، اور وہ بال ان پر چھائی ہوئی ایک تاریک رات کی مانند ہیں۔۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4814]