سیدنا خالد بن سعید بن العاص رضی اللہ عنہ سے روایت ہے کہ وہ نبی کریم صلی اللہ علیہ وسلم کی خدمت میں حاضر ہوئے جبکہ ان کے ہاتھ میں ایک انگوٹھی تھی، نبی کریم صلی اللہ علیہ وسلم نے دریافت فرمایا: ”یہ کیسی انگوٹھی ہے؟“ انہوں نے عرض کیا: یہ انگوٹھی میں نے بنوائی ہے، آپ صلی اللہ علیہ وسلم نے فرمایا: ”اسے پھینک دو“، چنانچہ میں نے اسے آپ کی طرف پھینک دیا، وہ لوہے کی انگوٹھی تھی، پھر نبی کریم صلی اللہ علیہ وسلم نے پوچھا: ”اس پر کیا نقش ہے؟“ میں نے عرض کیا: «مُحَمَّدٌ رَسُولُ اللهِ» ”محمد اللہ کے رسول ہیں“، تو نبی کریم صلی اللہ علیہ وسلم نے اسے اٹھا لیا اور اپنی وفات تک اسے پہنے رکھا، پس یہ وہی انگوٹھی تھی جو آپ صلی اللہ علیہ وسلم کے دستِ مبارک میں رہا کرتی تھی۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5167]