سیدنا عبدالرحمن بن کعب بن مالک اپنے والد کا یہ بیان نقل کرتے ہیں کہ سیدنا معاذ بن جبل رضی اللہ عنہ بردبار، سخی نوجوان تھے، اپنی قوم کے تمام جوانوں سے اچھے تھے، کبھی کوئی چیز روک کر نہیں رکھتے تھے، مسلسل لوگوں سے قرضہ لے لے کر سخاوت کرتے رہے حتی کہ اپنا پورے کا پورا مال قرضے میں دے ڈالا، اورخود مقروض ہو گئے، ان کے قرض خواہ، رسول اللہ صلی اللہ علیہ وسلم کے پاس آئے، اگر کسی کی وجہ سے کوئی شخص کسی کو قرضہ معاف کرتا تو سب سے پہلے سیدنا معاذ کو رسول اللہ صلی اللہ علیہ وسلم کی وجہ سے چھوڑا جاتا۔ تو ان کے قرضے ادا کرنے کے لئے رسول اللہ صلی اللہ علیہ وسلم نے سیدنا معاذ بن جبل رضی اللہ عنہ کا مال و متاع بیچ دیا۔ نتیجہ یہ نکلا کہ سیدنا معاذ رضی اللہ عنہ کا سارا مال بک گیا اور آپ خالی ہاتھ رہ گئے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5273]