ام المومنین سیدہ عائشہ رضی اللہ عنہا فرماتی ہیں: سیدنا ابوبکر صدیق رضی اللہ عنہ نے سات ایسے غلاموں کو آزاد کروایا جن کو کلمہ اسلام قبول کرنے کی پاداش میں سخت اذیت دی جاتی تھی۔ ان میں سے ایک سیدنا بلال رضی اللہ عنہ ہیں، اور عامر بن فہیرہ رضی اللہ عنہ بھی انہیں میں سے ہیں۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5324]

سیدنا واثلہ بن اسقع رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: حبشی لوگوں میں سب سے اچھے تین آدمی ہیں۔ لقمان، بلال اور رسول اللہ صلی اللہ علیہ وسلم کے آزاد کردہ غلام مہجع۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5325]