صالح بن کیسان سے مروی ہے کہ ابو الہیثم بن تیہان رضی اللہ عنہ کی وفات سیدنا عمر بن خطاب رضی اللہ عنہ کے دورِ خلافت میں ہوئی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5333M1]

بنو عبد الاشہل کے بزرگوں سے مروی ہے کہ ابو الہیثم بن تیہان رضی اللہ عنہ کی وفات سنہ 20 ہجری میں مدینہ منورہ میں ہوئی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5333M2]

سیدنا عبداللہ بن عباس رضی اللہ عنہما سے روایت ہے کہ ایک دن رسول اللہ صلی اللہ علیہ وسلم دوپہر کے وقت اپنے گھر سے باہر تشریف لائے تو دیکھا کہ سیدنا ابوبکر صدیق رضی اللہ عنہ مسجد میں بیٹھے ہیں، آپ صلی اللہ علیہ وسلم نے دریافت فرمایا: ”اے ابوبکر! اس وقت تمہیں کس چیز نے گھر سے نکالا؟“ انہوں نے عرض کیا: یا رسول اللہ! اسی ضرورت (بھوک) نے جس نے آپ کو نکالا، پھر سیدنا عمر رضی اللہ عنہ آئے تو آپ صلی اللہ علیہ وسلم نے پوچھا: ”اے خطاب کے بیٹے! تمہیں کس چیز نے نکالا؟“ انہوں نے بھی وہی عرض کیا جو ابوبکر رضی اللہ عنہ نے کیا تھا، چنانچہ رسول اللہ صلی اللہ علیہ وسلم ان دونوں کے ساتھ بیٹھ کر گفتگو فرمانے لگے، پھر آپ صلی اللہ علیہ وسلم نے فرمایا: ”کیا تم میں اتنی قوت ہے کہ ہم ان کھجوروں کے باغوں کی طرف چلیں - آپ صلی اللہ علیہ وسلم نے انصار کے گھروں کی طرف اشارہ فرمایا - تاکہ ان شاء اللہ کھانا، پینا اور سایہ میسر آ سکے؟“ ہم نے عرض کیا: جی ہاں، پھر رسول اللہ صلی اللہ علیہ وسلم روانہ ہوئے اور ہم بھی آپ صلی اللہ علیہ وسلم کے ساتھ چل پڑے۔
سیدنا سعید بن عامر بن حذیم رضی اللہ عنہ کے مناقب کا ذکر۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5334]