سیدنا عبداللہ بن عباس رضی اللہ عنہما بیان فرماتے ہیں: ایک دن رسول اللہ صلی اللہ علیہ وسلم دوپہر کے وقت گھر سے نکلے، تو سیدنا ابوبکر رضی اللہ عنہ کو مسجد میں بیٹھے دیکھا، فرمایا: اے ابوبکر! اتم اس وقت گھر سے کیوں نکل کر یہاں بیٹھے ہوئے ہو؟ عرض کیا یا رسول الله صلی اللہ علیہ وسلم جس وجہ سے آپ اس وقت گھر سے باہر تشریف لائے ہیں، میں بھی اسی وجہ سے باہر نکلا ہوں۔ پھر سیدنا عمر رضی اللہ عنہ بھی آ گئے، رسول اللہ صلی اللہ علیہ وسلم نے ان سے دریافت کیا: اے عمر بن خطاب! تم اس وقت کیوں گھر سے نکلے ہو؟ انہوں نے جواباً عرض کیا: یا رسول اللہ صلی اللہ علیہ وسلم جس وجہ سے آپ نکلے ہیں، میں بھی اسی وجہ سے نکلا ہوں۔ رسول اللہ صلی اللہ علیہ وسلم ان کے ساتھ بیٹھ کر محو گفتگو ہو گئے۔ پھر انصار کی حویلیوں کی جانب اشارہ کر کے فرمایا: کیا تمہارے اندر اتنی ہمت ہے کہ اس جگہ چلے جاؤ، وہاں پر تمہیں کھانے اور پینے کی اور سائے کی کوئی جگہ میسر آ سکتی ہے۔ ہم نے کہا: جی ہاں یا رسول اللہ صلی اللہ علیہ وسلم ۔ تو رسول اللہ صلی اللہ علیہ وسلم چل دیے اور ہم بھی آپ صلی اللہ علیہ وسلم کے ہمراہ چل دیئے۔ اس کے بعد راوی نے مکمل حدیث بیان کی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5334]

سعید بن عامر بن حذیم بن سلامان بن ربیعہ بن سعد بن جمع رضی اللہ عنہ کو سیدنا عمر رضی اللہ عنہ نے شام کے شہر دمشق، حمص، قنسرین، اردن اور فلسطین کا گورنر بنایا تھا۔ 20 ہجری کو آپ کا انتقال شام میں ہوا اور وفات کے وقت آپ گورنر ہی تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5335]