سیدنا انس بن مالک رضی اللہ عنہ فرماتے ہیں، وہ اپنے بھائی سیدنا براء رضی اللہ عنہ کے پاس گئے، اس وقت وہ ٹانگ پر ٹانگ رکھے لیٹے ہوئے کچھ گنگنا رہے تھے۔ سیدنا انس رضی اللہ عنہ نے ان کو (جہاد چھوڑ کر یوں فارغ لیٹنے سے) منع کیا تو وہ بولے: تم مجھے بستر میں موت آنے سے ڈراتے ہو؟ سینکڑوں کافروں کو تو میں نے اکیلے بلا شرکت غیرے واصل جہنم کیا ہے۔ اور جن کافروں کے قتل کرنے میں دوسرے لوگ بھی میرے ساتھ شریک تھے ان کی تعداد اس کے علاوہ ہے۔ (تو کیا اتنا جہاد کرنے کے بعد اب اگر میں بستر پر مر جاتا ہوں تو میرا مقام شہداء سے کم نہیں کیا جائے گا) ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5354]