سیدنا سعید بن مسیب رضی اللہ عنہ فرماتے ہیں: سیدنا عمر بن خطاب رضی اللہ عنہ (تلاوت کرتے کرتے) اس آیت پر پہنچے الَّذِينَ آمَنُوا وَلَمْ يَلْبِسُوا إِيمَانَهُمْ بِظُلْمٍ أُولَئِكَ لَهُمُ الْأَمْنُ وَهُمْ مُهْتَدُونَ (الانعام: 29) ”وہ جو ایمان لائے اور اپنے ایمان میں کسی ناحق کی آمیزش نہ کی انہیں کے لئے امان ہے اور وہی راہ پر ہیں“ تو سیدنا ابی بن کعب رضی اللہ عنہ کے پاس آئے اور ان سے کہا: ہم سے کون ہے جس نے ظلم نہیں کیا؟ تو سیدنا ابی بن کعب رضی اللہ عنہ نے فرمایا: اے امیرالمومنین! اس ظلم سے مراد ”شرک“ ہے۔ کیا تم نے سیدنا لقمان کی اپنے بیٹے کو نصیحت نہیں سنی؟ (وہ نصیحت یہ تھی) { يَا بُنَيَّ لَا تُشْرِكْ بِاللَّهِ إِنَّ الشِّرْكَ لَظُلْمٌ عَظِيمٌ } [لقمان: 13] ”اور یاد کرو جب لقمان نے اپنے بیٹے سے کہا اور وہ نصیحت کرتا تھا اے میرے بیٹے اللہ کا کسی کو شریک نہ کرنا۔ بیشک شرک بڑا ظلم ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5414]

ابوعبیدہ معمر بن مثنی نے ان نسب یوں بیان کیا ہے ”عبدالرحمن بن عوف بن عبدالرحمن بن عبد بن حارث بن زہرہ بن کلاب بن مرہ بن کعب بن لؤی بن غالب بن فہر بن مالک“۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5415]