ابن اسحاق نے بنو جشم بن حارث اور زید بن حارث (یہ دونوں جڑواں بھائی تھے) میں سے غزوۂ بدر اور بیعتِ عقبہ میں شریک ہونے والوں کے نام گنواتے ہوئے بیان کیا کہ ان میں عبداللہ بن زید بن عبد ربہ بن ثعلبہ رضی اللہ عنہ بھی شامل تھے، یہ وہی ہیں جنہیں خواب میں نماز کی اذان دکھائی گئی تھی، پھر وہ اسے لے کر رسول اللہ صلی اللہ علیہ وسلم کے پاس آئے تو آپ صلی اللہ علیہ وسلم نے اس (اذان) کا حکم جاری فرما دیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5533]

یحییٰ بن بکیر بیان کرتے ہیں کہ عبداللہ بن زید رضی اللہ عنہ، جو اذان (کا خواب دیکھنے) والے صحابی ہیں، ان کی کنیت ابو محمد تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5534]

عروہ سے بنو جشم بن حارث اور زید بن حارث (جو کہ دونوں جڑواں بھائی تھے) میں سے غزوۂ بدر اور بیعتِ عقبہ میں شریک ہونے والوں کے بارے میں مروی ہے کہ ان میں عبداللہ بن زید بن عبد ربہ بن ثعلبہ بن زید بن حارث بن خزرج اور ان کے بھائی حریث بن زید رضی اللہ عنہم شامل تھے۔ اور عبداللہ بن زید رضی اللہ عنہ وہی ہیں جنہیں خواب میں نماز کی اذان دکھائی گئی تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5535]