عروہ بنی جشم بن زید بن حارث میں سے اور بنی زید بن حارث میں سے بدر میں اور بیعت عقبہ میں شریک ہونے والوں میں ”سیدنا عبداللہ بن زید بن عبدربہ بن ثعلبہ بن زید بن حارث بن خزرج“ کا نام بھی ذکر کیا ہے، ان کے بھائی حارث بن زید ہیں۔ عبداللہ بن زید وہی ہیں جنہوں نے خواب میں اذان دیکھی تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5535]

محمد بن عمر نے ان کا نسب یوں بیان کیا ہے ”عبداللہ بن زید بن عبدربہ بن ثعلبہ بن زید بن حارث“ ان کی کنیت ”ابومحمد“ ہے۔ تمام مؤرخین کا اس بات پر اتفاق ہے کہ سیدنا عبدالله بن زید رضی اللہ عنہ ستر صحابہ کرام کے ہمراہ ليلۃ العقبہ میں بھی شریک ہوئے، جنگ بدر، احد، خندق اور تمام غزوات میں رسول اللہ صلی اللہ علیہ وسلم کے ہمراہ شریک ہوئے۔ فتح مکہ کے موقع پر بنی حارث بن خزرج کا علم انہی کے ہاتھ میں تھا، یہ وہی صحابی ہیں جن کو خواب میں وہ اذان سنائی گئی تھی جس اذان کو فقہائے اسلام نے اپنے ہاں رائج کیا۔ ٭٭ اس حدیث کو امام بخاری رحمۃ اللہ علیہ اور امام مسلم رحمۃ اللہ علیہ نے نقل نہیں کیا کیونکہ اس کی اسانید میں ناقلین کا اختلاف ہے۔ ان میں سب سے بہترین روایت سیدنا سعید بن مسیب رضی اللہ عنہ کی ہے۔ لیکن ان کے بارے میں ہمارے آئمہ نے یہ وہم کیا ہے کہ سیدنا سعید کی سیدنا عبداللہ بن زید کے ساتھ ملاقات نہیں ہوئی، حالانکہ یہ بات درست نہیں ہے کیونکہ سیدنا سعید بن مسیب رضی اللہ عنہ تو وہ شخصیت ہیں جو سیدنا عثمان رضی اللہ عنہ اور سیدنا علی رضی اللہ عنہ کے درمیان ثالث بننے والوں میں شامل تھے۔ اور سیدنا عبداللہ بن زید رضی اللہ عنہ کا انتقال سیدنا عثمان رضی اللہ عنہ کی خلافت کے آخری ایام میں ہوا۔ اور زہری نے جو سیدنا سعید بن مسیب رضی اللہ عنہ سے حدیث روایت کی ہے وہ مشہور ہے، اس کو یونس بن یزید نے، معمر بن راشد نے، شعیب بن ابوحمزہ نے اور محمد بن اسحاق اور دیگر محدثین نے روایت کیا ہے۔ اس باب میں کوفیین کی تمام روایات کا مدار عبدالرحمن بن ابی لیل کی حدیث پر ہے۔ کچھ محدثین اس کو یوں بیان کرتے ہیں ”عن معاذ بن جبل او عبدالله بن زید“ اور کچھ محدثین یوں بیان کرتے ہیں ” عبدالرحمن عن عبدالله بن زيد“ اور عبداللہ بن زید کی ان کے آباء کے حوالے بیان کردہ روایات کی اسانید مضبوط نہیں ہیں کیونکہ عبداللہ بن زید نے خود بھی یہ حدیث رسول صلی اللہ علیہ وسلم سے مسند کی ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5536]

5537 - محمد بن عبداللہ بن زید بیان کرتے ہیں کہ: "میرے والد عبداللہ بن زید (رضی اللہ عنہ) کی وفات سن 32 ہجری میں مدینہ منورہ میں ہوئی، اس وقت ان کی عمر چونسٹھ برس تھی اور امیر المومنین عثمان بن عفان رضی اللہ عنہ نے ان کی نمازِ جنازہ پڑھائی"۔ عبداللہ بن زید (رضی اللہ عنہ) بنیادی طور پر اذان والی اس حدیث کی وجہ سے مشہور ہوئے جسے فقہائے اسلام نے قبول کیا ہے، مگر ناقلین کے اسانید میں اختلاف کی وجہ سے اسے "صحیحین" (بخاری و مسلم) میں تخریج نہیں کیا گیا۔ اس باب میں سب سے موزوں روایت سعید بن مسیب کی ہے، اور ہمارے بعض ائمہ کو یہ وہم ہوا کہ سعید (بن مسیب) کا عبداللہ بن زید سے ملاپ نہیں ہوا، جبکہ ایسا نہیں ہے؛ کیونکہ سعید بن مسیب ان لوگوں میں شامل تھے جو (اختلافات کے وقت) سیدنا علی اور سیدنا عثمان (رضی اللہ عنہما) کے درمیان مصالحت کے لیے جاتے تھے، اور عبداللہ بن زید کی وفات سیدنا عثمان کی خلافت کے آخری دور میں ہوئی تھی۔ سعید بن مسیب سے زہری کی روایت مشہور ہے جسے یونس بن یزید، معمر بن راشد، شعیب بن ابی حمزہ اور محمد بن اسحاق وغیرہ نے روایت کیا ہے۔ جہاں تک اس باب میں اہل کوفہ کی روایات کا تعلق ہے، تو ان کا مدار عبدالرحمن بن ابی لیلیٰ کی حدیث پر ہے؛ ان میں سے بعض نے اسے "معاذ بن جبل یا عبداللہ بن زید" کے حوالے سے روایت کیا ہے، اور بعض نے "عبدالرحمن (بن ابی لیلیٰ) بحوالہ عبداللہ بن زید" نقل کیا ہے۔ رہی بات عبداللہ بن زید کی اولاد کی جو اپنے آباؤ اجداد کے واسطے سے ان سے روایت کرتے ہیں، تو ان کی اسانید درست (مستقیم) نہیں ہیں۔ اور عبداللہ بن زید رضی اللہ عنہ نے رسول اللہ صلی اللہ علیہ وسلم سے اس (اذان والی) حدیث کے علاوہ دیگر احادیث بھی روایت کی ہیں: [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5537]