عطاء بن ابی رباح سے روایت ہے کہ سیدنا ابو سلمہ اور سیدہ ام سلمہ رضی اللہ عنہما نے ہجرت کی تو ان کے ساتھ سیدنا عمار بن یاسر رضی اللہ عنہ بھی نکلے، اور وہ ان کے حلیف تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5753]

یعقوب بن ابراہیم اپنے والد سے روایت کرتے ہیں: ہمیں یہ خبر پہنچی ہے کہ سیدنا عمار بن یاسر رضی اللہ عنہ نے فرمایا: ”میں رسول اللہ صلی اللہ علیہ وسلم کا ہم عمر تھا، آپ صلی اللہ علیہ وسلم کی عمر مبارک کے مجھ سے زیادہ قریب کوئی اور نہیں تھا (یعنی ہم دونوں کی پیدائش ایک ہی زمانے کی ہے)۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5754]