خارجہ بن زید سے روایت ہے کہ میرے والد سیدنا زید بن ثابت رضی اللہ عنہ کا انتقال سورج زرد ہونے (غروب) سے پہلے ہوا، میری رائے تھی کہ انہیں رات ہونے سے پہلے دفن کر دیا جائے لیکن انصار کہنے لگے: انہیں دن کے وقت ہی دفن کیا جائے تاکہ زیادہ لوگ جمع ہو سکیں، مروان بن حکم نے جب آوازیں سنیں تو وہ میرے پاس آئے اور کہا: میرا تاکیدی حکم ہے کہ انہیں صبح تک دفن نہ کیا جائے، جب صبح ہوئی تو ہم نے انہیں تین بار غسل دیا: پہلی بار سادہ پانی سے، دوسری بار پانی اور بیری کے پتوں سے اور تیسری بار پانی اور کافور سے، ہم نے انہیں تین کپڑوں میں کفنایا جن میں سے ایک وہ چادر تھی جو حضرت معاویہ رضی اللہ عنہ نے انہیں بطور لباس پہنائی تھی، سورج طلوع ہونے کے بعد مروان بن حکم نے ان کی نمازِ جنازہ پڑھائی اور ایک اونٹ ذبح کروا کر لوگوں کو کھانا کھلایا، اور خواتین کے جذبات ہم پر غالب آگئے اور وہ تین دن تک روتی رہیں۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5890]