سالم اپنے والد کا یہ بیان نقل کرتے ہیں کہ میں نے دیکھا کہ رسول اللہ صلی اللہ علیہ وسلم کعبہ میں داخل ہوئے، اس وقت آپ علیہ السلام کے ہمراہ سیدنا اسامہ بن زید رضی اللہ عنہ، اور سیدنا عثمان بن طلحہ رضی اللہ عنہ تھے، ان کے علاوہ اور کوئی شخص ان کے ساتھ نہ تھا، مجھے سیدنا بلال نے یہ بات بتائی کہ انہوں نے سیدنا عثمان بن طلحہ رضی اللہ عنہ سے دریافت کیا کہ رسول اللہ صلی اللہ علیہ وسلم نے (کعبہ کے اندر) کس جگہ پر نماز پڑھی تھی؟ انہوں نے بتایا کہ دو یمانی ستونوں کے درمیان۔ ٭٭ شیبہ بن عثمان نے اپنے چچا عثمان بن طلحہ رضی اللہ عنہ سے حدیث روایت کی ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5925]