ایک دوسری اسناد کے ہمراہ بھی مندرجہ بالا حدیث مروی ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5963]

محمد بن عمر فرماتے ہیں: سعید بن زید بن عمرو بن نفیل کے والد زید بن عمرو بن نفیل اپنی قوم کا دین چھوڑ چکے تھے۔ جب ان کا انتقال ہوا، اس وقت قریش کعبۃ اللہ کی تعمیر کر رہے تھے، یہ رسول اللہ صلی اللہ علیہ وسلم پر وحی نازل ہونے سے تقریباً پانچ سال پہلے کا واقعہ ہے، یہ بات بھی مروی ہے کہ رسول اللہ صلی اللہ علیہ وسلم نے ان کے بارے میں فرمایا: وہ بھی اسی امت میں سے اٹھائے جائیں گے۔ رسول اللہ صلی اللہ علیہ وسلم کے دارارقم میں داخل ہونے اور وہاں پر دعوت و تبلیغ کا کام شروع کرنے سے پہلے سیدنا سعید بن زید بن عمرو رضی اللہ عنہ اسلام لائے تھے۔ سیدنا سعید بن زید رضی اللہ عنہ نے غزوہ احد، خندق اور تمام غزوات میں رسول اللہ صلی اللہ علیہ وسلم کے ہمراہ شرکت کی۔ البتہ جنگ بدر میں آپ شریک نہ ہو سکے تھے۔ ابن عمر کہتے ہیں: سعید بن زید کی اولاد امجاد میں سے ہیں، آپ اپنے والد کے بارے میں فرماتے ہیں کہ ” سیدنا سعید بن زید رضی اللہ عنہ کا انتقال مقام ” عقیق “ میں ہوا تھا، لوگ ان کو اپنے کندھوں پر اٹھا کر مدینہ میں لے کر آئے، اور یہیں دفن کیا۔ سیدنا سعد بن ابی وقاص رضی اللہ عنہ نے اور سیدنا عبداللہ بن عمر رضی اللہ عنہما نے آپ کو لحد میں اتارا۔ یہ سن 50 یا 51 ہجری کا واقعہ ہے۔ وفات کے وقت ان کی عمر ستر برس سے زیادہ تھی۔ سیدنا عبداللہ بن عمر رضی اللہ عنہما فرماتے ہیں: ان کی والدہ کا نام ” فاطمہ بنت بعجہ بن امیہ بن خویلد بن معوذ بن حیان بن غنیم “ تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5964]

0 [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5964M]