سیدنا علی رضی اللہ عنہ سے روایت ہے کہ جب سیدنا مغیرہ بن شعبہ رضی اللہ عنہ نے (قبر مبارک میں اترنے کے شوق میں) اپنی انگوٹھی نبی کریم صلی اللہ علیہ وسلم کی قبر انور میں گرا دی تو سیدنا علی رضی اللہ عنہ نے ان سے فرمایا: ”یہ چرچا نہیں ہونا چاہیے کہ تم نبی کریم صلی اللہ علیہ وسلم کی قبر میں اترے ہو، اور نہ ہی تم لوگوں سے یہ ذکر کرنا کہ تمہاری انگوٹھی قبر میں رہ گئی ہے“، پھر سیدنا علی رضی اللہ عنہ قبر مبارک میں اترے، انگوٹھی کا مقام دیکھا، اسے اٹھایا اور سیدنا مغیرہ رضی اللہ عنہ کے حوالے کر دیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6004]