سیدنا عمرو بن العاص رضی اللہ عنہ کے آزاد کردہ غلام ابوفراس بیان کرتے ہیں کہ جب سیدنا عمرو بن العاص رضی اللہ عنہ کی وفات کا وقت قریب آیا تو انہوں نے اپنے بیٹے عبداللہ سے کہا: جب میری روح پرواز کر جائے تو مجھے غسل دینا، کفن پہنانا، کفن کے بند کی گرہ زور سے لگانا کیونکہ عنقریب مجھ سوالات کئے جائیں گے۔ اور جب مجھے غسل دے چکو تو مجھے جنازہ گاہ میں لے جانے کی جلدی کرنا، جب جنازہ گاہ میں میری میت رکھو تو یہ عید کا دن ہو گا، عیدالفطر ہو گی یا عیدالاضحی ہو گی، تم تمام گلیوں اور بازاروں اور عید گاہ کے تمام راستوں کو اچھی طرح دیکھ لینا جب تمہیں یقین ہو جائے کہ سب لوگ پہنچ چکے ہیں اور کوئی شخص پیچھے نہیں رہا، تب عید کی نماز پڑھانا (اس کے بعد میرا جنازہ پڑھانا، اس کے بعد) جب تم مجھے لحد میں اتارو تو مجھ پر مٹی ڈال دینا اور میری دائیں جانب، بائیں جانب سے زیادہ مٹی کی مستحق نہیں ہے۔ جب تم مٹی برابر کر چکو تو اتنی دیر تک میری قبر کے پاس بیٹھے رہنا جتنی دیر اونٹ کو ذبح کر کے اس کا گوشت بنایا جاتا ہے، تمہارے اس عمل سے میرا دل لگا رہے گا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6020]

محمد بن عمر فرماتے ہیں: سیدنا عمرو بن العاص بن وائل بن ہاشم بن سعید بن سہم کی کنیت ” ابوعبداللہ “ تھی، ان کی والدہ ” نابغہ بن حرملہ سبیہ عنزہ کی اولاد میں سے تھی۔ ان کے دو ماں شریکی بھائی تھے، عمرو بن اثاثہ بن عباد بن عبدالمطلب بن عبد مناف بن قصی اور عنیف بن ابی العاص بن امیہ بن عبدشمس۔ سیدنا عمرو بن العاص رضی اللہ عنہ کی وفات کے وقت میں اختلاف ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6021]

ہم سے ابوعبداللہ اصبہی نے بیان کیا، الجہم کے نیک فرزند حسین بن الفراج نے۔ عمرو بن العاص بن وائل بن ہاشم بن سعید بن سہم، اور ان کا لقب ابو عبداللہ تھا، اور ان کی شاندار والدہ حرملہ سبی کی بیٹی تھیں، وہ عنزہ سے تھیں، اور ان کی والدہ کی طرف سے ان کے دو بھائی عمرو بن اثاثہ تھے۔ بن عباد بن عبد المطلب بن عبد مناف بن قصی اور انیف بن ابی العاص بن امیہ بن عبد شمس اور ان کی موت کے وقت میں اختلاف ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6022]

عمرو بن شعیب کہتے ہیں: سیدنا عمرو بن العاص رضی اللہ عنہ کا انتقال 42 ہجری کو مصر میں عیدالفطر کے دن ہوا۔ اس وقت آپ وہاں کے گورنر تھے۔ اور بعض مؤرخین کا یہ بھی کہنا ہے کہ ان کا انتقال 43 ہجری کو ہوا۔ بعض اہل علم یہ بھی کہتے ہیں 51 ہجری کو آپ کا انتقال ہوا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6022M]

یحیی بن معین فرماتے ہیں: سیدنا عمرو بن العاص رضی اللہ عنہ کا انتقال 43 ہجری کو ہوا اور ان کو مصر میں دفن کیا گیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6023]