مصعب بن عبداللہ زبیری نے ان کا نسب یوں بیان کیا ہے ” جریر بن عبداللہ بن مالک بن نصر بن ثعلبہ بن جشم بن عوف بن شلیل بن خزیمہ بن سکن بن علی بن مالک بن زید بن قیس بن عبقر بن انمار “ فتنے کے زمانے میں انہوں نے قرقیساء میں قیام کیا، پھر وہاں سے کوفہ میں منتقل ہو گئے اور 50 ہجری کو وہیں پر ان کا انتقال ہوا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6064]

ابن اسحاق کہتے ہیں: ابوموسیٰ اشعری عبداللہ بن قیس رضی اللہ عنہ، آل عتبہ بن ربیعہ بن عبدشمس کے حلیف تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6065]

محمد بن عمر فرماتے ہیں: سیدنا ابوموسیٰ اشعری رضی اللہ عنہ کا نام ” عبداللہ بن ایس بن سلیم بن حضار بن حریث بن عامر بن بکر بن عامر بن عذر بن وائل بن ناجیہ بن مہاجر بن اشعری اور وہ نبت بن ادد بن یشجب بن یعرب بن قحطان “ تھا۔ ابوموسیٰ اشعری رضی اللہ عنہ کی والدہ طیبہ بنت وہب بن عتیک تھیں۔ انہوں نے بھی اسلام قبول کر لیا تھا اور مدینہ منورہ میں ان کا انتقال ہوا۔ سیدنا ابوموسیٰ اشعری رضی اللہ عنہ مکہ آئے تھے اور ابواحیحہ سعید بن العاص کے حلیف بنے تھے۔ مکہ شریف میں ہی ایمان لائے اور حبشہ کی جانب ہجرت کی۔ پھر دو کشتیوں والوں کے ہمراہ واپس آ گئے، اس وقت رسول اللہ صلی اللہ علیہ وسلم خیبر میں تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6066]