ابن اسحاق سے روایت ہے کہ سیدنا ابو موسٰی اشعری رضی اللہ عنہ ان لوگوں میں شامل تھے جنہوں نے ارضِ حبشہ کی طرف ہجرت کی تھی اور وہ وہیں مقیم رہے یہاں تک کہ نبی کریم صلی اللہ علیہ وسلم نے عمرو بن امیہ ضمری کو نجاشی کی طرف بھیجا، تو وہ انہیں دو کشتیوں میں سوار کر کے لے آئے اور وہ صلحِ حدبیہ کے بعد فتحِ خیبر کے موقع پر آپ صلی اللہ علیہ وسلم کی خدمت میں پہنچے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6067]