ابوبکر احمد بن محمد بن عیسیٰ مؤرخ لکھتے ہیں: ہمارے پاس حمص کی جو آخری اطلاعات موصول ہوئی ہیں، کہ وہاں پر اصحاب رسول میں سے اور قریش کے موالی میں سے سب سے آخر میں سیدنا ثوبان بن بجد رضی اللہ عنہ ہیں۔ ان کی کنیت ” ابوعبداللہ “ تھی، ان کا تعلق الہان قبیلے سے تھا، یہ قیدی ہو کر آئے تھے، رسول اللہ صلی اللہ علیہ وسلم نے ان کو آزاد کر دیا تھا اور سیدنا ثوبان سے فرمایا تھا کہ اے ثوبان! اگر تم اپنے قبیلے میں واپس جانا چاہو تو جا سکتے ہو اور اگر اللہ کے رسول صلی اللہ علیہ وسلم کی سرپرستی میں یہیں رہنا چاہتے ہو تو یہاں رہ لو، سیدنا ثوبان رضی اللہ عنہ نے رسول اللہ صلی اللہ علیہ وسلم کی سرپرستی میں رہنا قبول کیا۔ سیدنا عبداللہ بن قرط رضی اللہ عنہ کی امارت میں 54 ہجری کو حمص میں انتقال کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6149]

0 [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6150]