محمد بن عمر سے روایت ہے کہ رسول اللہ صلی اللہ علیہ وسلم کے مولیٰ ثوبان رضی اللہ عنہ کے متعلق کہا گیا ہے کہ وہ اہل سراۃ میں سے تھے، اور ایک قول یہ ہے کہ وہ حمیر سے تھے، وہ قیدی ہو کر آئے تو رسول اللہ صلی اللہ علیہ وسلم نے انہیں خرید کر آزاد کر دیا، وہ رسول اللہ صلی اللہ علیہ وسلم کے وصال مبارک تک آپ صلی اللہ علیہ وسلم کی خدمت میں رہے، پھر شام منتقل ہو گئے اور حمص میں سکونت اختیار کی، وہاں ان کا ایک گھر ہے جو بطورِ صدقہ وقف ہے، اور ان کی وفات 54 ہجری میں وہیں ہوئی۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6150]