مصعب بن عبداللہ زبیری نے ان کا نسب یوں بیان کیا ہے ” ابوالیسر کعب بن عمرو بن عباد بن عمرو بن سواد بن غانم بن کعب بن سلمہ بن غانم بن اسد بن جشم بن خزرج “۔ سیدنا عبداللہ بن حوالہ ازدی رضی اللہ عنہ کے فضائل واقدی کہتے ہیں کہ آپ 93 برس کی عمر میں 58 ہجری میں فوت ہوئے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6197]

محمد بن عمر (الواقدی) بیان کرتے ہیں کہ: رسول اللہ صلی اللہ علیہ وسلم کے صحابی ابو محمد عبد اللہ بن حوالہ ازدی (رضی اللہ عنہ)، جن کا تعلق بنو معیص بن عامر بن لوئی سے تھا، ان کی وفات سن 58 ہجری میں ہوئی اور اس وقت ان کی عمر ترانوے (93) برس تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6198]

مصعب بن عبداللہ زبیری نے ان کا نسب یوں بیان کیا ہے ” حویطب بن عبدالعزیٰ عامری بن ابی قیس بن عبدود بن نصر بن مالک بن حسل “۔ فتح مکہ کے موقع پر اسلام لائے۔ سیدنا امیر معاویہ رضی اللہ عنہ کی امارت کے اواخر میں فوت ہوئے۔ ان کی عمر 120 سال تھی۔ ان کی والدہ، حبیبہ کی والدہ اور ان کے بھائی رہم بن عبدالعزیٰ کی والدہ ” زینب بنت علقمہ بن غزوان بن یربوع بن منقذ بن عمرو بن محیص “ ہیں۔ سیدنا حویطب نے سیدنا معاویہ سے مدینہ منورہ میں چالیس ہزار دینار میں ایک مکان خریدا تھا، لوگوں نے اس بات پر اعتراض کیا تو انہوں نے جواب دیا: جس آدمی کے چار بچے ہوں، اس کے لیے چالیس ہزار دینار کی کیا اہمیت ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6199]

حویطب بن عبدالعزیٰ فرماتے ہیں کہ زمانہ جاہلیت میں ایک مرتبہ ہم کعبہ کے صحن میں بیٹھے ہوئے تھے۔ ایک خاتون نے آ کر شوہر سے کعبہ کی پناہ مانگی، اسی اثناء میں اس کا شوہر آ گیا، اور اس پر دست درازی کرنا چاہی، تو اس کا ہاتھ خشک ہو گیا۔ میں نے اس کا خشک ہاتھ اسلام کے زمانے میں بھی دیکھا ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6200]