مصعب بن عبداللہ زبیری کہتے ہیں:” مسلمہ بن مخلد بن صامت بن نیار بن لوذان بن خزرج “ کی کنیت ” ابومعن “ تھی۔ کچھ مؤرخین کا کہنا ہے کہ ان کی وفات مصر میں ہوئی اور کچھ کا کہنا ہے کہ 60 ہجری کو مدینہ میں فوت ہوئے۔ آپ غزوہ احد اور دیگر تمام غزوات میں شریک ہوئے، انہی کے بارے میں سیدنا حسان بن ثابت رضی اللہ عنہ نے یہ اشعار کہے ہیں۔ * یہ میرے ماموں ہیں، میں ان پر فخر کرتا ہوں، کسی کا ایسا ماموں ہو تو مجھے دکھائے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6207]

مجاہد کہتے ہیں: میں نے مصر میں سیدنا مسلمہ بن مخلد رضی اللہ عنہ کے پیچھے نماز پڑھی، انہوں نے سورہ بقرہ پڑھی، اس میں کوئی واؤ اور کوئی الف (یعنی کوئی مد وغیرہ) نہیں چھوڑا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6208]